Qazaqstan-Qytaı shekarasynda qazaqstandyq kedenshiler elge kele jatqan qarıanyń aqshasyn alyp qoıǵany týraly habar tarady. Bul týraly «Qamshy» portaly habarlaıdy.

Atalǵan oqıǵa týraly Feısbýk áleýmettik jelisinde Gúlisqan Domalaıqyzy degen qoldanýshy dabyl qaqty.

«Qurmetti dostar, zańgerlermen zıaly qaýym ókilderi, myna bir jaǵdaıǵa qandaı keńes bere alasyzdar? QHR-dan jasy alpysty alqymdaǵan shal men kempir qazaq eline kele jatqan maqsaty osyndaǵy ulyna jer satyp ápermekshi. Shaldyń janynda 10 myń dollar jáne 200000 teńge aqsha bolǵan. Bizdiń kedenshiler, ıaǵnı Berik degen azamat, qarıany kelesi bólmege shaqyryp alyp, aqshasyn tárkilegen. Aıtqan ýáji – shetelden ákele jatqan aqshaǵa deklaratsá toltyrmadyń degen syltaý. Qazirge deıin on neshe kún bolsa da, shal aqshasyn qaıtyp ala almaǵan. Ol azamattyń bergen tárkileý talonynda myna nomer bolǵan 87751755074 Berik. Endeshe bul aqshany qandaı jolmen qaıtaryp alýǵa bolady? Kempiri ekeýiniń 10 myń dollar kedennen alyp ótýge shynymende qaqysy joq pa? Jasy jer ortasyna kelgen aqsamaıly ana men aq saqaldy ákelerimiz eline urpaǵyn jetkizemin dep kelip, kedende taqyrǵa otyrǵan», - dep jazady ol.