QR Mádenıet jáne sport mınıstrligi taǵy da QR Mádenıet jáne sport mınıstriniń qolymen bekitilgen Tilderdi damytý jáne qoǵamdyq-saıası jumys komıtetiniń  Erejesi» atty buıryqta 50 shaqty gramatıkalyq qate shyqqan, - dep jazady «Qamshy» portaly «Qazaq úni» saıtyna silteme jasap.

Saıtqa Mereke Alash esimdi oqyrman mınıstr buıryǵynyń fotokóshirmesin joldaǵan. Bar-joǵy 4 bettik buıryqtyń ár betinde 20-ǵa jýyq gramatıkalyq qate júr. Buıryqty daıyndaǵan mamandar «Q» men «K», «Ǵ» men «G», «S» men «Ń», «P» men «N» áripterin aıyra almaıtyn sekildi.

«SUMDYQ! MYNANY KÓRSEŃİZ, KÓZİŃİZ TÚSİP QALMASYN! Qurmetti til janashyrlary jáne jýrnalıser, siz bolyp, biz bolyp, tilimiz úshin tirlik jasamasaq, MINISTRLİK qaıdan jasaıdy myna túrimen. Bir ǵana buıryqta 50 shaqty qateni kórip, QR Mádenıet jáne sport mınıstriniń qolymen bekitilgen Tilderdi damytý jáne qoǵamdyq-saıası jumys komıtetiniń  Erejesi ekenine kúmándanasyz. Memleket úshin mańyzy bar, ásirese, qazaq tili úshin mańyzdy bul buıryq qatemen bekitilse, oryndalatyn sharýa ne bolmaq?! Sondyqtan da ana tilińiz úshin janyńyz ashysa, myna sumdyqtyń túzetilýine qoldaý kórsetińiz. Úlken raqmet!», - dep jazady Mereke Alash.

Qate órip júrgen buıryqqa oılanbastan qol qoıa salǵan mınıstr Arystanbek Muhamedıulynyń ańǵaldyǵyna da qaıran qalmasqa shara joq.