15 sáýir kúni ál-Farabı atyndaǵy QazUÝ-dyń bas ǵımaratynyń 15 qabatynda ornalasqan májilis zalynda atalmysh ýnıversıtettiń 4-15 sáýir aralyǵyna ótkizilgen İİİ halyqaralyq Farabı oqýlarynyń qorytyndy jınalysy bolyp ótti, - dep habarlaıdy «Qamshy» portaly.

Osy qorytyndy jınalys  aıasynda esep bergen Fılologıa jáne álem tilderi fakúlteti dekany Ómirhan Ábdımanuly «Álıhan Bókeıhanov jáne Alash murasy» atty ál-Farabı kitaphanasy ǵımaratynda ótken konferensıaǵa QR Memlekettik hatshysy G.N. Ábdiqalyqova, Almaty qalasynyń ákimi B.Q. Baıbek, Parlament Senatynyń depýtaty, Qazaqstan jazýshylar odaǵynyń tóraǵasy N.M. Orazalın, ál-Farabı atyndaǵy QazUÝ rektory, akademık Ǵ.M. Mutanov jáne birneshe joǵary laýazymdy tulǵalarmen qatar, ǵylymı zertteý ınstıttýtarynyń qatysýmen ótken osy konferensıanyń jalpy barysy men qararyn baıaandady. «Álıhan alashtyń kósemi, uly tulǵa, biz buryn Álıhan Bókeıhanovty saıasatker dep kelsek endi osy konferensıadan keıin onyń ádbeıetke qosqan úlesiniń asa joǵary ekendigin baǵaladyq. Endi bizde ýnıversıtte Álıhannyń tulǵalyq bolmysyna qatysty elektıvti pán engizý jospary bar. Sonymen birge tarıhshy Talas Omarbekov aǵamyz osy konferensıada óz usynysyn aıtty. Álıhanǵa kóshe attary berilgen, eskertkishi ornatý kerek dep. Sondaı-aq búgin óshkenimiz janyp, ólkenimiz tirlendeı kún Álıhandy Halyqaralyq deńgeıde onyń ár baǵyttaǵy eńbekterin talyqylaýmen birge alashytyń «Aıqap» jýrnalynyń birinshi sanynyń tusaýyn kestik dedi.

Al ál-Farabı atyndaǵy QazUÝ-niń rektory, akademık Ǵalymqaıyr Mutanuly Mutanov «Álıhan alashtyń kósemi, beldi saıasatker ótken ǵasyrdyń basynda qazaq el bolyp qalama, joqpa degen tusta Álıhan bastaǵan alash ardaqtylary el men jer úshin jar qulaǵy jastyqqa tımeı jumys jasady. Olar osyndan týra 115 jyl buryn Muhametjan Seralın bas bolyp shyǵarǵan «Aıqap» jýrnalyna alashtyń eldigi men birligi jaıynda maqalalar jazyp, pikir almasty. Mine búgin biz «Aıqap» jýrnalynyń qaıtadan tusaýyn kesip otyrmyz. Birinshi sany qazaq tilinde jaryq kórdi. Oǵan osy jolǵy İİİ halyqaralyq Farabı oqýlaryna qatysqan barlyq bedeldi ǵalymdardyń suhbaty jarıalandy. Jýrnal bolashaqta qazaq, aǵylshyn jáne orys tilderinde shyǵatyn bolady, bul bizdiń álemdik deńgeıge kóterilýmiz úshin kerek. Ótken ǵasyrda Álıhan Bókeıhanov bastaǵan alash ardaqtylary qazaqtyń eldigin ańsaǵan bolsa, biz búgin olardyń armanyna qol jetkizgen táýelsiz elimiz. Endi osy táýelsizdikti qalaı saqtap qalamyz, irgemizdi qalaı bekemdeımiz, urpaqqa ne amanattaımyz ? degen suraq barlyǵymyzdyń nazarmyzdan eshqashan tys qalmaý kerek. Sondyqtan bul jýrnalǵa tek ádebıet pen saıasat salasyndaǵy ǵana emes barlyq baǵyttaǵy ǵalymdar at salysýlaryńyz úmit etemin.

Álibek Ydyrys