QR «Jer kodeksine» engizilgen sońǵy ózgeristerge baılanysty qazaq jurty ár jerde óz pikirlerin aıtyp, tıisti qarsylyqtaryn bildirýde. Eń bastysy – bas jarylyp, kóz shyqqan joq. Degenmen búgin Qyzlordada bolǵan oqıǵa kópshiliktiń jaǵasyn ustatyp otyr. Esterińizde bolsa, «Jańaózendegi» qandy jeltoqsan kezinde Mańǵystaýdyń ákimi bolyp Qyrymbek otyrǵan edi... Al qazir osy Qyrymbek myrza Qyzylordanyń tizginin myqtap ustaǵan.

Búgin Qazaqstan halyqtary dostyǵy kúni. Osyǵan oraı Qyzylordanyń ortalyq alańyna shyqqan jurt qazirgi kezde qyzý talqylanyp jatqan jer máselesine de óz únderin qosa ketse kerek. Feısbýk áleýmettik jelisinde taralǵan vıdeolarǵa qarasaq, óz pikirin aıtqan jastardan góri muzdaı qarýlanyp, ses kórsetken áskerılerdiń sany kóbirek. Esesine halqynyń ortasynda júrgen Qyrymbek ákim kórinbeıdi.

Bul ne sonda? «Jańaózenniń» jarasy jazylmaı jatqan tusta Qyrmbek myrza endi Qyzylordany da úreımen ustamaqshy ma? Elbasy Nursultan Nazarbaevtyń ózi halyqqa túsindirý jumystary júrilý kerektigin, arandatýshylar jazalaný kerektigin aıtqan joq pa? Búgingi Qyzylordanyń jaıyn kórip, beıbit halyqqa ásker kúshin kórsetý - "naǵyz arandatýdyń" ózi demeske sharań joq!