Germanıa Kansleri Angela Merkel Qyrymnyń mártebesine qatysty referendým men avtonomıanyń Reseı quramyna kirýi halyqaralyq quqyq buzýshylyq bolyp tabylatynyn málimdedi, - dep habarlaıdy AFP.

   "Bul referendým halyqaralyq quqyqqa qaıshy keledi. Keshe ǵana Reseı prezıdenti Vladımır Pýtın tanyǵan táýelsizdikti jarıalaý halyqaralyq quqyqqa sáıkes emes jáne ony RF-nyń maquldaýy halyqaralyq quqyqqa eshqandaı úılespeıdi", - dedi ol. Merkel halyqaralyq uıymdar, BUU qosa alǵanda, Evropalyq odaq, EQYU bul kózqarasty bólip qaraıtynyn jetkizdi.

Óz kezeginde Fransıa prezıdenti Fransýa Olland ta Qyrymnyń Reseı quramyna qosylý zańdylyǵyn moıyndamaıtynyn málimdedi. Olland Qyrymdaǵy oqıǵalarǵa baılanysty Fransıa "kúshti reaksıa" daıarlaıtynyn eskertti. Onymen qosa, AQSH prezıdenti Barak Obama Ýkraınadaǵy jaǵdaıdy talqylaý úshin G7 elderiniń (Kanada, Fransıa, Germanıa, Italıa, Japonıa, Ulybrıtanıa jáne AQSH) lıderlerin kelesi aptaǵa kezdesýge shaqyrdy. Kezdesý Gaagadaǵy ıadrolyq qaýipsizdik samıtine baılanysty ótedi. Eske sala keteıik, budan buryn Pýtın Federaldy keńesine úndeýin jetkizgen kezde batys saıasatkerleriniń málimdemelerin synǵa alǵan bolatyn. Ol AQSH-tyń Kosovodaǵy jaǵdaıǵa baılanysty syltaýyn eske aldy. "Ózderi jazady, eldi dúrliktirip álemge habar taratady, bárin ıiltip, endi kelip yzalanady. Nege?", - dedi Pýtın. Keıinnen Pýtın, Qyrym jetekshileri jáne Sevastopol meri tıisti kelisim shartqa qol qoıý arqyly Qyrymnyń Reseıge qosylýyn zańdastyrdy. Tengrınús