Elimizde jańa oqý jylynan bastap 1 synyp oqýshylary jańartylǵan baǵdarlama boıynsha bilim alady, - dep habarlaıdy Qamshy.kz 24.kz-ke silteme jasap.
Bul týraly Shymkentte mektep dırektorlarymen júzdesken Bilim jáne ǵylym mınıstiriniń orynbasary Takır Balyqbaev aıtty. Sala basshysy bilim berý baǵdarlamasyna engizilgen ózgerister oqýshynyń oı-órisi men qarym-qabiletin arttyrýǵa tyń serpin beretinin jetkizdi. Qanatqaqty joba buǵan deıin elimiz boıynsha 30 mektepte synaqtan ótkizilgen. Onyń ekeýi –ońtústikte. Jańa talapqa saı bilim alǵan oqýshylar óz oıyn saýatty saralap qana jańa aqparattyq tehnologıamen jumys isteýdi meńgerip shyǵady. Sonymen birge bıyl UBT-dan súringen túlekter synaqty aqyly negizde qaıta tapsyrýǵa múmkindik alyp otyr. Takır Balyqbaevtyń aıtýynsha, elimizde jylyna 20 myńdaı túlek qajetti baldy jınaı almaı qalady. Oǵan qosa keshendi testileýden 80%-y súrinedi. «Sondyqtan bilim salasyndaǵy tyń ózgeristerdiń barlyǵy jas urpaq pen jarqyn bolashaq qamy», - deıdi pedagogtar.
Sholpan Beısenbaeva, Shymkent qalasyndaǵy M.H.Dýlatı atyndaǵy gımnazıa dırektory:
- Bala ózin basqasha sezinýi kerek. Balanyń bilimi tek qana jattaýda emes, balanyń bilimi fýnksıonaldyq saýattylyqty arttyrýy kerek. Bala tek bilim almaı, sol bilimin tájirıbemen qalaı baılanystyrady, soǵan kóp kóńil bólip, sol baǵytta jumys isteýimiz kerek.
Takır Balyqbaev, QR Bilim jáne ǵylym mınıstriniń orynbasary:
- Bıylǵy jyly biz UBT-ny tabysty tapsyra almaı qalǵan jastar úshin tamyz aıynda qosymsha taǵy da test ótkizetin boldyq. Tamyz aıynyń basynda arnaıy komısıa respýblıkalyq arnaıy mamandyq boıynsha granttardyń bárin bólip qoıady. Sol sebepti tamyz aıynda tapsyratyn balalar aqyly túrde oqıtyn bolady. Sondyqtan biz olarǵa bıyl JOO-ǵa túsýge taǵy da bir múmkindik beremiz.
