Qazaqstannyń eńbek sińirgen qaıratkeri, mýzykant, "Múzıkola" tobynyń negizin salǵan Bolat Syzdyqovpen qoshtasý rásimi Jambyl atyndaǵy Qazaq memlekettik fılarmornıasynda ótti.

Fılarmornıa ǵımaratynyń aldynda ártistiń jaqyn dostary, áriptesteri jáne tyńdarmandary jınaldy. Kóńil aıtý úshin tanymal qaıratkerler, ártister, ánshiler keldi. Atap aıtqanda, Karına Abdýllına, Renat Gaısın, Asylbek Eńsepov, Jámıla Serkebaeva, Parvız Nazarov, Baýyrjan Shúkenov, Bolat Ábilov jáne "Dos-Muqasan" tobynyń músheleri. Sonymen qatar, sharaǵa Almaty ákimi Baýyrjan Baıbek qatysty. 

Belgili qazaqstandyq gıtarashy, kompozıtor jáne "Múzıkola" tobynyń aranjırleýshisi, "A’Stýdıo" tobynyń burynǵy múshesi Bolat Syzdyqov Qaraǵandyda 1956 jyly 21 maýsymda dúnıege kelgen. Bala kezinen mýzykamen aınalysqan, ataqty oqytýshy Aleksandr Majelánnyń jaz gıtarasy kýrsyn bitirgen. 16 jasynda Bolat Qaraǵandydaǵy fılarmonıaǵa jeke án oryndaýshysy bolyp qabyldanady, sonymen qatar "Gákký" ansambliniń quramymen gastróldik saparlarda júrdi.

1976 jyly Bolat Respýblıkalyq "Gúlder "jastar ansambliniń shaqyrtýymen Almatyǵa keledi. Bolat ataqty Roza Rymbaeva jeke oryndaýshy bolǵan "Araı" tobynyń gıtarısi bolady. 90-jyldardyń basynda "Alma-Ata" toby músheleriniń arasynda Bolat ta boldy. Máskeýge bara salyp, jańa top tanymal bolady. Nátıjesinde "Alma-Ata" tobynyń ataýy "A`Stýdıo" bolyp ózgeredi. 1992 jyly Bolat Syzdyqov óziniń jeke jańa mýzykalyq jobasyn ashpaq bolady. Ol ánshi Karına Abdýllınamen birlesip, "Múzıkola" tobyn qurady. Qazaqstan Prezıdentiniń jarlyǵymen 2012 jyldyń 5 jeltoqsanynda Bolat Syzdyqovqa Qazaqstan Respýblıkasynyń Eńbek sińirgen óner qaıratkeri ataǵy berildi.

Bolat Syzdyqov Almatyda 2016 jyldyń 7 mamyrynda 60-qa qaraǵan jasynda qaıtys boldy. Onyń ólimine qannyń uıýy sebep bolǵan.