«Panama tizimi» taǵy eki qazaqstandyqty áshkere etti, - dep habarlaıdy Qamshy.kz "Kommersant-qa" silteme jasap.

Halyqaralyq zertteýshi jýrnalıser konsorsıýmy (ICIJ) dúısenbi kúni jarıalaǵan Mossack Fonseca ofshorlyq regıstrator klıentteri týraly málimetter bazasynda odan basqa Qazaqstanmen baılanysty  taǵy tórt kompanıa atalady.

Málimetter bazasynda «panamalyq faıldardaǵy» 214000 ofshorlyq kompanıa jaıly aqparattar bar. Ondaǵy málimetterge súıensek, tórt fırmanyń (Air (Kazakhstan) Cargo Company Inc., Trading house of Kazakhstan LTD,  South Kazakhstan Development Corporation LTD, CNOOC Kazakhstan Limited) Qazaqstanǵa qatysy bar. Sondaı-aq, South Kazakhstan Development Corporation LTD  ofshorlyq kompanıasynyń ıeleri ishinde Qýanysh Jylqyshıev pen Aısulý Amralınanyń esimderi atalady.

Ondaǵy materıaldarda sonymen qatar, Reseıde 229 ofshorlyq kompanıa ıeleri, Qytaıda 9000, AQSH-ta 4500, Ulybrıtanıada 920 ofshorlyq kompanıa bar ekeni aıtylady.

Esterińizge salsaq, 3 sáýir kúni de ICIJ Mossack Fonseca ofshorlyq regıstrator klıentteri málimetter jarıalaǵan bolatyn. Onda álem elderiniń burynǵy jáne qazirgi 12 prezıdentiniń, 50 shaqty tanymal tulǵalar men 100-den astam saıasatkerlerdiń esimderi atalǵan bolatyn.