Air Astana áýe kompanıasynyń «Almaty – Kýala-Lýmpýr» baǵytynda ushatyn ushaǵynda iship alǵan 23 jastaǵy Qyrǵyzstan azamatshasy jolaýshylar men jolserikterdi balaǵattap, shý shyǵardy, - dep habarlaıdy Qamshy.kz centralasian.org-ke silteme jasap.

Kóliktegi İİD baspasóz qyzmetiniń jetekshisi Lázzat Álenova: «Almaty qalasynyń jelilik bólimine Air Astana áýe kompanıasynyń qyzmetkerlerinen Almaty - Kýala-Lýmpýr baǵytynda ushatyn ushaqqa jolaýshylardy otyrǵyzý kezinde Qyrǵyz respýblıkasynyń 1994 jyly týǵan týǵan azamatshasynyń mas ekeni týraly habar tústi», – dep málimdedi.

Polısıa boıjetkenniń ústinen QR Qylmystyk kodeksiniń «Áýe kemesinde ózin ustaý tártibin buzý» jáne «Qoǵamdyq oryndarda alkogóldi ishimdik ishý nemese mas kúıinde bolý» degen eki baby boıynsha ákimshilik hattama toltyrǵan.

Almaty áýejaıynyń anyqtama qyzmeti ushaqtyń kestedegi ýaqytynan 45 mınýtqa keshigip ushqanyn habarlady.