Uzaq jyl boıy kámlettik jasqa tolmaǵandardy zorlady dep aıyp tıaǵylǵan, Óskemen qalasyndaǵy tergeý ızolátorynda qamaýda otyrǵan 44 jastaǵy Semeıdegi mektep-ınternattyń burynǵy tárbıeshisi kamerada óli kúıinde tabyldy, - dep, - habarlaıdy Qamshy.kz Tengrinews.kz – ke silteme jasap.

Aldyn ala boljam boıynsha kamerada asýly kúıinde tabylǵan qylmysker óz-ózine qol jumsaǵan bolýy múmkin.

Semeıdegi №5 jetim balalarǵa arnalǵan mektep-ınternattyń tárbıeshisi sáýir aıynyń sońynda aıypty dep tanylyp, sot 20 jylǵa qatań rejımdegi kolonıada jazasyn óteý týraly úkim shyǵarǵan bolatyn. Úkim qylmysker asylyp ólerden bir kún buryn zańdy kúgine engen kórinedi.

Tergeý kezinde onyń 17 jyl boıy mektep-ınternattyń kámlettik jasqa tolmaǵan tárbıelenýshilerine jynystyq zorlyq-zombylyq kórsetip kelgeni dáleldendi.