Ǵ. Músirepov atyndaǵy balalar men jasóspirimder teatry kórermenderge jańa spektákl usynbaq, , - dep habarlaıdy Qamshy.kz.
«Mahabbat hattary» dep atalatyn qoıylymnyń premerasy 18 mamyr kúni ótpek. Albert Gernıdiń pesasy Aǵzıa Kólbaevanyń aýdarmasy negizinde sahnalanyp otyr. Qoıýshy-rejısseri – Juldyzbek Jumanbaı, qoıýshy-sýretshisi – Qýat Tústikbaev.
Amerıkandyq órshil senator ǵumyr boıy ózimen hat alysqan áıeldiń qazasynan keıin ótken ómirin bir sát eske alady.
Eki júrek, shólirkegen keıip... Qunarsyz kúlki men tamshy kóz jasy. Hattar, hattar...
Bir-birin izdeý, saǵyný, ańsaý, kútý, kúıý men janý... Álemniń ár túkpirinde óz ómirlerin súrip jatsa da, alǵashqy Mahabbatty umytpaý.
Spektákldegi qos keıipkerdi Qazaqstannyń eńbek sińirgen qaıratkerleri Tynyshkúl Sultanberdıeva (Melıssa), Qadyrǵazy Qýandyqov (Endı) somdamaq.
