Jol belgilerin qate túsindirip, ǵalamtorda kúlki bolǵan shymkenttik jol polısásynyń qyzmetkeri qyzmetinen ketti, - dep habarlaıdy Qamshy.kz.

Polısıa aǵa serjanty arnaıy shenindegi polıseı Shymkent qalasyndaǵy Sazbýhaev kóshesinde júrgizýshilerdi toqtatyp, joq jol belgisin elemediń dep aıyptaǵan. Polıseıdiń bul áreketine narazy bolǵan júrgizýshilerdiń biri polısıa qyzmetkerimen bolǵan kıkiljińdi vıdeoǵa túsirip jelige júktegen bolatyn. Osy oqıǵadan soń polıseı qyzmetten ketý týraly baıanat jazǵan.

«Qazir sol kúni atalǵan ýchaskede qyzmet atqarǵan basqa da qyzmetkerlerge qatysty tekserý júrip jatyr. Onyń barysynda polısıa qyzmetkerleriniń Sazbuqaev kóshesinde qyzmet atqarýynyń zańdylyǵy anyqtalatyn bolady», - delingen Shymkent qalalyq jergilikti polısıa qyzmetiniń bastyǵy Danıar Meıirhan taratqan habarlamada.