Brazılıa prezıdenti Dılma Rýsefti senat depýtattary qyzmetinen shettetti, - dep habarlaıdy Qamshy.kz.

Senat músheleri prezıdentke senimsizdik bildirý prosesin bastaýdy qoldap daýys bergen. Endi Dılma Rýsef ımpıchment aıaqtalǵansha, ıaǵnı jarty jyl merzimge qyzmetinen shettetildi.

Impıchmentti brazılıalyq opozısıa talap etken bolatyn. Saıası kúshter el prezıdentin saılaý kampanıasy kezinde búdjet qarajatyn jumsaý men salyq zańnamalaryna qatysty zań buzdy dep aıyptap otyr.

Impıchment ıdeıasyna senat depýtattarynyń 22-si qarsy shyqsa, prezıdentke senimsizdik bildirýdi 55 senator qoldaǵan. El ishinde de osyǵan baılanysty túrli narazylyq aksıalary ótip, polısıa demonstranttarǵa kózden jas aǵyzatyn gaz qoldanǵan. aqparat quraldary Dılma Rýsef daýys berý aıaqtalǵanyn kútpeı prezıdent saraıynan dúnıe-múlkin tasyp jatqanyn jazýda.