Ońtústik Qazaqstan oblysynda "Halyqtar dostastyǵy" ýnıversıtetiniń 17 jastaǵy stýdenti Áıgerim Ospanbekova joǵalyp ketti, ol 10 mamyrda Saryaǵash aýdanyndaǵy Jańaturmys aýylynan Shymkentke qaraı jolǵa shyǵyp, qaıtyp oralmaǵan, - dep habarlaıdy "Otyrar".
Áıgerimniń aǵasynyń aıtýynsha, stýdent qyz jolda jataqhanada birge turatyn kórshisine SMS-habarlama jazyp, Shymkentke kireberistegi "Kolos" jer asty ótkelinde kútip alýyn ótinip, júrgizýshiden qatty qorqyp kele jatqanyn bildiredi.
Sodan beri Áıgerim úıine de, ýnıversıtetke de kelmegen.
Áıgerim Ospanbekovanyń belgileri: boıy - 160-165 santımetr, ortasha deneli, shashy uzyn, qońyr. Kózderi qysyńqy, qara. Qulaǵynda romby pishindes syrǵasy bolǵan. Erekshe belgileri joq. Ústine qyzyl fýtbolka (keýdesinde aq tústi júrek sýreti bar), qońyr djınsy, aıaǵyna qara kedy kıgen. Ózimen birge qol sómkesi men jol sómkesi bar.
