Astanada ótip jatqan sot barysynda «Astana EXPO-2017» ulttyq kompanıasynyń burynǵy basshysy Talǵat Ermegıaev osylaı málimdedi, - dep habarlaıdy Qamshy.kz.
Sot otyrysynda sóz alǵan ol ózine taǵylǵan aıyptarmen kelispeıtinin málimdedi.
«Maǵan onyń ulyna tıesili kompanıa qyzmeti úshin Ibadlıldınovadan para aldy degen aıyp taǵylýda. Bul aıyptar myna sebepterge baılanysty negizsiz. Birinshiden, men Ibadıldınovadan bir tıyn da aqsha alǵan joqpyn. İste meniń aqsha alǵanyma esh dálel joq. Tek, qylmystyq jaýapkershilikke tartylmaý úshin jáne ulyn jaýapkershilikten alyp qashý maqsatynda tergeý organymen áriptestik ornatqan Ibadıldınovanyń sózdei ǵana negizge alynýda. Ol ekeýine qatysty quqyqbuzýshylyqtar iste tolyq dálel tapqan», - deıdi T. Ermegıaev.
Sot ústinde ol basqa da tulǵalardan eshqandaı aqsha almaǵanyn málimdedi.
«Týmataevtan da solaı. Men eshqandaı aqsha almadym. Ibadıldınova maǵan aqsha berip jiberdi delingen tulǵalardyń eshqaısysy anyqtalmady jáne tergelmedi. Ol adamdardy atap bere de almady. Tergeý kezinde ol (aıyptalýshy Ibadıldınova – red.) óz sózin toǵyz ret ózgertti. Men osy epızod boıynsha maǵan tańylyp jatqan áreketterdi istemedim. Men – kinásizbin! Kinám dáleldenbedi. Meniń joǵaryda aıtqandarymdy prokýratýra da joqqa shyǵarǵan joq», - deıdi ulttyq kompanıanyń burynǵy basshysy.
