Almatyda nárestesin satpaq bolǵan áıel qolǵa tústi, - dep habarlaıdy Qamshy.kz Almaty qalalyq İİD baspasóz qyzmetine silteme jasap.
Jambyl oblysy Merki aýdanynyń 25 jastaǵy turǵyny turmystyq qıyndyqtardan shyǵý úshin bar-joǵy 1 jas 3 aılyq nárestesin satpaq bolǵan. «Tiri taýardy» ótkizý úshin kómekke 51 jastaǵy tanysyn tartqan. Qolaıly satyp alýshyny olar eki apta boıy izdegen kórinedi.
«Birneshe kún ótken soń sábıdi alatyn adam da paıda bolǵan. Bala saýdalaýshylar náresteni 2 myń AQSH dollaryna baǵalapty. Bala saýdalaǵan eki áıel de satyp alýshydagn aqsha alyp jatqan jerlerinde tutqyndaldy», - delingen baspasóz qyzmeti taratqan habarlamada.
Almaty qalasy İİD uıymdasqan qylmyspen kúres basqarmasynyń qyzmetkerleri olardan 670 myń teńge aqsha tárkiledi. Keıin bul qarajattyń tek 200 myń teńgesi ǵana náresteniń anasyna qaldyrylyp, qalǵanyn deldaldyq qyzmet kórsetken kelinshektiń almaq bolǵany anyqtalyp otyr.
Almatylyq polıseıler ustalǵan kelinshektiń osydan bir kún buryn ǵana sábıin belgisiz bireýge elý myń teńgege satyp, keıin jańa usynys túskende qaıtaryp alǵanyn da habarlap otyr. Qazir osy is boıynsha eki kelinshek te tergeý ızolátoryna jabylyp, sotuqa deıingi tergeý jumystary bastalǵan.
