Tanymal ánshi Tóreǵalı Tóreáli aldaǵy jeke konsertine “Alo!” ánin birge shyrqaǵan áriptesi Erke Esmahandy shaqyrmaıdy. Bul týraly NUR.KZ tilshisi ánshiniń ókiline habarlasyp bildi.

Tilshiler admınıstratory Farıdamen tildesip, aldaǵy josparlanǵan konserttiń ótken konsertten qandaı ereksheligi qandaı ekenin bilmek boldy.

Ánshiniń ókili Tóreǵalı Tóreáliniń ázirge qandaı áriptesteri konsertke qatysatynyn naqty aıta almaıtynyn jetkizdi. Degenmen Erke Esmahannyń bolmaıtynyn kesip aıtty.

“Sahnada basqa da óner juldyzdarynan kim bolatyny belgisiz. Biraq Erke Esmahan bolmaıdy”, – dedi ol.

Konserttiń ereksheligine toqtalyp ótken Farıda, kesh 3D formatynda ótetinin, ánder fonogramsyz, orkestrdyń súıemeldeýimen jandy daýysta shyrqalatynyn, baǵdarlamanyń 90%-y jańa ánderden quralyp, sahnalyq kostúmderi qaıtalanbaıtynyn jetkizdi.

Eske sala ketsek, ánshiniń buǵan deıin jeke konserti osydan jarty jyl buryn, ótken jyldyń 11-qarashasynda ǵana «Uly dala balasy» ataýymen ótken bolatyn. Shyǵarmashylyq keshin dúrkiretip ótkizgen Tóreǵalı Tóreáli araǵa alty aı salyp taǵy da óz tyńdarmandaryn «Qazaq qyzǵa úılenemin» atty jańa án keshine shaqyrady.

Kesh 22-mamyr kúni Almatydaǵy Respýblıka saraıynda ótedi.

Aıta ketsek, “El aýzynda” baǵdarlamasyna suhbat bergen Tóreǵalı Tóreáliniń ákesi ári prodúseri Tóreáli Tólep Erke Esmahandy "Alo" ániniń arqasynda tanymal boldy degeni Baıan Esentaevanyń qytyǵyna tıgen. Buǵan shamdanǵan Esentaeva Tóreǵalıdyń ákesiniń bylyqtaryn jaıyp salǵan edi. Al “Alo” ánin shyrqap, kópshiliktiń yqylasyna bólengen Erke Esmahan áriptesiniń ákesi jaıly artyq sóz aıtqysy kelmeıtinin aıtqan.