Jýrnalıs Gúljan Baınazarova segiz jylǵa jyndyhanaǵa jazyqsyz qamalǵan Marjan Turlybaevany baratyn jeri bolmasa, asyrap alýǵa ázir ekenin aıtty dep habarlaıdy Qamshy.kz 31 arnaǵa silteme jasap.

Kúrmeýi kúrdelengen máselege qatysty sot sheshim shyǵardy. Saraptama júrgizgen mamandar Marjannyń deni saý degen qorytyndyǵa keldi.

Shymkent dárigerleriniń  «shızofrenıanyń jáı túri» degen dıagnozyn almatylyq mamandar aqyry joqqa shyǵardy. Sot sheshimi kúshine engen soń, Marjan jyndyhanadan bosamaq.

Tek ázirge qaıda barary belgisiz kórinedi. Astanadan qyzdyń ákesin taýyp, onymen suhbattasqan shymkenttik jýrnalıs Gúljan Baınazarova Marjannyń baratyn jeri bolmasa, ózi asyrap alýǵa daıyn ekenin bildirdi.

"Marjan árıne, qýanyp otyr. Sonda da, senińkiremeıdi. Ábden kóńili qalǵan. Árqaısysy kelip, erteń shyǵasyń, arǵy kúni shyǵasyń dep úmittendirgen", - deıdi Baınazarova.