Yvision.kz-te Memleket basshysynan bastap, Premer-mınıstr, Bas prokýror, depýtattar men halyqaralyq uıymdardyń atyna baǵyttalǵan hat jarıalandy, - dep habarlaıdy Qamshy.kz

Jezókshelerdiń atynan jazylǵan hatqa 597 tánin saýdalaýshy qol qoıyp, laýazymdy tulǵalardan ózderiniń jaǵdaıyna baılanysty kómek kórsetýdi surǵan. 

Hat jazǵan tarap qazirgi daǵdarys zamanynda ózderine de ońaıshylyqpen kúnkórý múmkin bolmaı otyrǵanyn alǵa tartady. «Bizge qaraı tas laqtyra beretin dáýren ótti. Biz de munaı baǵasynynyń qulaǵanyn sizder sekildi jaqsy bilemiz. Aqyly jynystyq qyzmet kórsetýdiń naryǵy álsiredi. Klıentterimizdiń jaǵdaıy jaqsy emes», dep muń shaǵady. 

Olardyń hattarynda ózderiniń quqyqtary qorǵalmaı otyrǵandyǵyn, odan basqa jeńgetaılar saýna, qonaqúı, sulýlyq salondarynyń ıeleri jáne polısıamen birge qoıylǵan baǵasy tym qymbatqa túsetindigin de tıek etken. «Biz Eńbek kodeksin qazir qaıta qaraıtyn sát keldi dep sanaımyz. Soǵan qaramastan ol taqyryp ázirge jabyq kúıinde» dep shaǵym bildirgen. 

597 adam qol qoıyp, úsh bý hat qylyp joldaǵandar shetelde jasalǵan jaǵdaıdy mysalǵa keltiredi. Tipti, árisi Ózbekstan men Qyrǵyzstannan kelgen qyzdardyń ózara básekelestik týdyryp jatqanyn ataýsyz qaldyrmaǵan.