Jer komısıanyń otyrysynnda Májilis depýtaty, ult janashyry Bekbolat Tileýhan myrza da sóz alyp, mańyzdy máselege qatysty pikirin bildirdi, , - dep habarlaıdy Qamshy.kz.

«Bul halyqtyq rezonans týǵyzdy. (...) Úlken saıası másele ekenin de bilip otyrmyz.

Biraq, mynany eskerý kerek, jer degende eleń etpeıtin qazaq joq. (...) Qazaq osy jerde ulttyq sanasyn, tektiligin kórsetti. Alaıda, osy mıtıńter kezinde halyq jalǵan aqparattarǵa da senip qaldy. Birden, jer satylady degen aqparat tarady. Jer satylmaıdy. Jalǵa berý týraly áńgime kóterildi. (...) Jasyratyny joq, ózimiz de túsindire almadyq», - deıdi Bekbolat Tileýhan myrza jerge qatysty daý-damaılar týraly oıyn bildirip.

Depýtat jerge qatysty pikir bildirýshilerdiń deni emosıaǵa kóp berilip jatatynyn da basa aıtty.

«Jer – Ana, anany jalǵa bermeımin» degen sóz shyqty. (...) Onda jerdiń ústine dáret syndyryp júrgenimiz qalaı? Jerim dep aıqaılaı bermeıik, eldiń shańyraǵyn shaıqap almaıyq. Túıtkildi másele kóp. Sony sheshý úshin jınalyp otyrmyz. Halyq shyqqasyn, mınıstrler jınalyp otyr degen de namysqa tıetin jáıt», - degen depýtat halyqtyń osy máselege qatysty pikir aıtqandarǵa qatysty da túrli reaksıa berip jatqanyna nazar aýdartty.

«Buryn «Otyrsa - opaq, tursa - sopaq» degen sózdiń mánin túsine almaıtynmyn. Qarap otyrsaq, qazir osy jer máselesine pikir bildirgende, bárimiz otyrsaq opaq, tursaq sopaq bolyp otyrmyz, - dedi depýtat.