Tanymal top «MýzArt Live» jobasyn qolǵa alǵany belgili. Bul joly "MýzArt" óner ujymy Shymkentke jergilikti talanttardy izdep keldi, - dep habarlaıdy Qamshy.kz QazAqparatqa silteme jasap
Tolyǵyraq aıtsaq, qazaq estradasynyń beldi ókilderi «MýzArt» toby ózderine shákirt izdeıdi, jas talanttardyń tasada qalmaı, tanylýyna endi ózderi sebepker bolmaq. Muny bizge bergen suhbatynda top ánshisi Kenjebek Janábilov aıtty, dep habarlaıdy otyrar.kz. Óner ıesiniń aıtýynsha, «Dástúrdiń jarqyn jalǵasy» atty bastama 2 kún boıy óńirdegi Sh.Qaldaıaqov atyndaǵy oblystyq fılarmonıanyń ekinshi qabatynda ótetin bolady.
«Jerlesterimnen úlken úmit kútip keldim. Biraq, ázirge men kútken, oıymdaǵydaı oryndaýshyny taba almadym. Kerisinshe, astanalyqtar shymkenttikterge qaraǵanda áldeqaıda basym túsedi der edim. Daıyndyqtary da jaqsy edi. Biraq, alda áli bir kún ýaqyt bar. Sondyqtan, men áli de bolsa úmitimdi úzbeımin. Shyn talantty, dala daýysyn kútemin! Al qatysýshylardyń mýzykalyq bilimine emes, onyń darynyna, qabiletine nazar aýdaryp jatyrmyz. Sondaı-aq, jas ereksheligi de 14-25 jas aralyǵynda bolýy mindetti. Al jeńimpazdy «Qazaqstan» ulttyq arnasynyń ázirlegen marapaty kútip tur. Jáne biz de ózimiz izdep tapqan ánshilerden «MýzArt» sekildi top jasaqtap, olardyń qazaq estradasynda qanattanýy úshin qoldan kelgen kómekti aıamaımyz»,- deıdi qazylar alqasynyń múshesi Kenjebek Janábilov.
Tańsáride bastalǵan irikteý qas qaraıǵanǵa deıin jalǵasty. Uzyn-sonar kezek tolastar emes. Úmitkerlerdiń biri óleń sózderin jattasa, ekinshisi dálizde daıyndyǵyn pysyqtap, án saldy.
