Jer reformasy jónindegi komısıa tóraǵasy Baqytjan Saǵyntaev komısıanyń alǵashqy otyrysynan soń osylaı dep málimdedi. Onyń aıtýynsha komssıada negizgi tórt blok boıynsha jumys toby qurylyp, músheler arasynan top jetekshileri saılanatyn bolady.
«Kelesi joly bizdiń jumysymyz naqtylyqqa kóshedi. Jerdi Qazaqstan azamattaryna satý máselesin qaraıtyn bolamyz. Ár senbi saıyn óz jumysymy aıaqtalǵansha saǵat 10.00-de jınalamyz. Shamamen 5-6 otyrystan soń negizgi bloktaǵy máselelerdi sheshken soń aımaqtarǵa shyǵyp, onda jer máselesin qoǵamdyq keńester aıasynda talqylaıtyn bolamyz. Búgin biz óz maqsattarymyzǵa jettik dep oılaımyn. Barlyǵy óz oılaryn aıtty. Barlyǵy birge jumys isteýge kelisip otyr», - dedi B. Saǵyntaev.
