Amerıkalyq Vogue eń sándi qazaqstandyqtar men olardyń Instagram áleýmettik jelisindegi akkaýnttary týraly jazdy. Basylym Qazaqstandaǵy Sán ındýstrıasy aqyryn da bolsa, alǵa jyljyp kele jatqanyn sóz etedi ,- dep jazady juldizdar.kz.

Buro 24/7 qazaqstandyq saıtynyń negizin qalaýshy, Qazaqstan premer-mınıstriniń birinshi orynbasary Baqytjan Saǵyntaevtyń qyzy Merýert Ibragım maqala avtorynyń nazaryna kez-kelgen álemdik sán aptalyǵynda kózge túsetinimen ilikken.

“Eger qazaqtar Sán aptalyqtaryndaǵy birinshi qatarǵa jaıǵassa, onda ol tek Merýert Ibragım ǵana bolýy múmkin”, – dep jazady avtor.

Ol sondaı-aq Qazaqstan premer-mınıstriniń birinshi orynbasary Baqytjan Saǵyntaevtyń qyzynyń garderoby maqtanýǵa turarlyq sebep ekenin atap ótti.

Atalǵan maqalada sondaı-aq sándi redaktor Anıta Akısheva, fotograf Ian Reı, baıer Lılá Rah, sán aptalyǵynyń uıymdastyrýshysy Janel Bertaeva, model Alena Sýbbotına engen.

Maqala avtory Lıana Shatenshteın (Liana Satenstein) oqyrmandarynyń kóbi Qazaqstannyń qandaı el jáne qaıda ornalasqanyn bilmeıtin de shyǵar degen pikirin bildiredi. Biraq jaqyn arada barlyq álem jas memlekettiń sán álemi men dızaınerleriniń týyndylarymen tanysa alady degen úmitin aıtady.

Shatenshteın Qazaqstannyń Ortalyq Azıadaǵy baılyq pen ál-aýqat shoǵyrlanǵan orasan úlken postkeńestik memleket ekenin atap ótken.