Endi Ulttyq biryńǵaı testileýden shekti 50 bal jınaı almaǵan oqýshylar tamyz aıynda keshendi testileýdi aqyly túrde qaıta tapsyrý múmkindigine ıe bolady, dep habarlaıdy Qamshy.kz 24.kz – ke ilteme jasap.

Bul jańashyldyq mektep bitirýshilerdiń joǵarǵy oqý ornyna túsý múmkindigin joǵarylatýǵa baǵyttalǵan. Al jalpy júıege ózgeris enbeıdi. Bul týraly búgin Bilim jáne ǵylym salasyndaǵy baqylaý komıtetiniń tóraǵasy Saıat Núsýpov málimdedi.

Jalpy talapkerlerdiń bilim deńgeıin anyqtaıtyn test respýblıka kóleminde 166 ortalyqta 2-15 maýsymda ótedi. Qazir barlyq pýnkterde komısıa qurylǵan. Bıyl elimiz boıynsha orta mektepti 121 myń oqýshy támamdaıdy. Olardyń 83 myńy – qazaq, al qalǵany – orys tilinde bitiretin túlekter.

Saıat Núsýpov, QR BǴM Bilim jáne ǵylym salasyndaǵy baqylaý komıtetiniń tóraǵasy:

- Qaıta tapsyrý testileri aqyly bolady. Onyń baǵasy – 2242 teńge. Biraq ol bizdiń mektep bitirýshilerge aqyly joǵary oqý oryndaryna túsýge múmkindik beredi.  QR BǴM ókilderiniń qatysýymen ótken OKQ brıfıńiniń tolyq nusqasyn osy silteme arqyly kóre alasyzdar.