Keshe jer reformasy jónindegi komısıanyń jınalysyna qatysqan Aıtyskerler qaýymdastyǵynyń tóraǵasy Júrsin Erman aǵamyz jıyn ústinde sońǵy ýaqytta josparlanǵan úsh aıtystyń bılik tarapynan shekteý qoıylyp, ótkizilmeı qalǵanyn málimdedi, - dep jazdy Maqsat İlıasuly feısbýk paraqshasynda.
Qazaqtyń qudiretti ónerin, shyndyq alańyn shoýǵa aınaldyrmaq bolǵan bılik, bıliktiń «Nur Otan» partıasy endi aıtys ónerine múlde tıym salǵysy kelip otyrǵan sıaqty.
Qaı zamanda da, qaı ǵasyrda da, qandaı jaǵdaıda da hany da, qarasy da aqynnyń aýzyn jappaǵan edi. Búgingi bılik qazaqtyń ulttyq ónerin óltirýge baryn salyp jatyr.
Jıyn kezinde muny estigen Dos Kóshim ashýǵa minip, aıtysqa shekteý qoıǵandardy jaýapqa tartýdy talap etti.
