Almaty oblysynyń 24 jastaǵy turǵyny anasymen jasty satýshyny 48 jerden pyshaqtap ketti, - dep habarlaıdy Qamshy.kz qalalyq İİD baspasóz qyzmetine silteme jasap.
51 jastaǵy áıel qazir aýyr halde aýrýhanada jatyr. Dárigerler onyń ómirin arashalap qalý úshin baryn salýda.
24 jastaǵy jigit Bókeıhanov kóshesindegi kishigirim dúkenderdiń birin tonamaq bolady. Túski 14.00 shamasynda ol 51 jastaǵy satýshyny soqqyǵa jyǵyp, 48 jerinen pyshaq salǵan.
«Satýshy esinen tanyp qalǵan kezde, tonaýshy kasadaǵy 9 myń teńgeni alyp taıyp turǵan. İzdestirý toby kúdiktini izin sýytpaı ustady. Ol Almaty oblysy İle aýdanynyń turǵyny bolyp shyqty. Quryqtaý operasıasy barysynda onyń qaltasynan sýyq qarý pyshaq tabyldy. Ol zattyq aıǵaq retinde iske tirkeldi», - dedi Jetisý aýdandyq İİB basshysynyń orynbasary Dáýlet Sámbetov.
Qazir kúdiktige qatysty QR QK 192-babynyń 2-bólimimen qylmystyq is qozǵaldy.
