Jambyl oblysynda aýyl turǵyndary jergilikti kásipkerdi «árýaqty qorlady» dep aıyptaýda. Aıtýlarynsha, bıznesmenniń qoldan jasaǵan kólinen asqan sý Turar Rysqulov aýdany Kamenka aýylynyń shetindegi zırattardy qıratqan. Qazirdiń ózinde ondaǵan qabir jermen-jeksen bolypty, - dep habarlaıdy Qamshy.kz KTK arnasyna silteme jasap.

-Dál osy jerden kásipker demalys orynan ashýdy josparlaǵan. Sóıtip eki aıdan beri tereń saıǵa sý toltyryp, munda balyq ta jiberip qoıypty. Alaıda bir jetiden beri tolassyz jaýǵan jaýynnan kólshiktiń deńgeıi birneshe metrge deıin kóterilip, jotadaǵy zıratqa qaýip tóndirgen. Jurttyń aıtýynsha, tipti qabirlerge sý quıylyp opyrylyp jatyr eken.

Eń alǵash dabyl qaqqandardyń biri – Marat Tánekeev. Onyń shyr-pyr bolýy beker emes. Óıtkeni jaqyndary jerlengen qabirler shetinen qıraǵan. Bir aı buryn ákesiniń máıiti jatqan kórdiń tóbesi oıylyp astyna tússe, artynsha ózge týystarynyń da beıitteri jermen -jeksen bolypty. 

Jurt qorymdardyń kóldegi sýdan jappaı qırap jatqanyna senimdi. Talaı tasqyn men jer dúmpýine tótep bergen beıitter saıǵa sý jınalǵannan beri búline bastaǵan. Soraqysy zırattyń etegine kelgen sýdy bógemek bolǵan kásipker, tómendegi eski beıitterdi de kómip tastapty.   

Bestaı Qalymbetov, Kamenka aýylynyń turǵyny:

-Mynalar tógilmeı turǵanda, osy jerde eski beıitter bolǵan. Ana jerdegi bireýine jańa aıaǵymyz túsip ketti, bul jerde bolǵan eski beıitter. Mine jatyr ǵoı bylqyldap. Kómilip ketti.

Aýyldyqtar zırat mańynan demalys ornynyń ashylýyna narazy. Mundaı jerde ishimdik quıylyp, jyn-oınaq bolatyny aıtpasa da túsinikti.

Meıilhan Áýesbaev, Kamenka aýlynyń turǵyny:

-Sony kórip otyryp halyq shydaıdy ma, shyryldap júgirip júr. Bireýiniń ákesi, bireýiniń anasy, bireýiniń atasy babalary jatyr. Árýaqty syılaý kerek qoı. 

Al kásipker ózin kinásizbin deıdi. Aıtýynsha, kóldiń deńgeıi qansha kóterilgenimen sý qabirlerge jetpegen. Qorymdardyń búlinýine nóser jaýyn sebep eken. Degenmen zırattyń tóńiregin bógep berýge ýáde etti.

-Kostı moıh rodıteleı obmylıs ılı net?

-Da ne obmylıs!

-Kopaı togda, býdem vmeste kopat!

-Ne býdý ıa kopat.

-Eslı zdes vody ne býdet, my vse zdes ý tebá ızvınenıa poprosım!

-Úra! Ne nado mne ızvınenıı. Ia, kak mýjık, skazal sdelaıý, sdelaıý!

Buqara máseleni beıitterdiń mańyna tas tósep qana sheshýge qanaǵattanbaı otyr. Sondyqtan kóldegi sýdy aǵyzyp jiberýdi talap etýde.