Qyzylorda turǵyndary nesıeleriniń birneshe aı boıy tólenbeı kelýine «FınStatýs» jaýapkershiligi shekteýli seriktestigin kinálap otyr, dep habarlaıdy Qamshy.kz 31 arnaǵa silteme jasap.
Aıtýlarynsha, kompanıa kelisim-shartqa otyryp, turǵyndarǵa nesıe tóleýge járdem beremiz dep ýáde etken. Alaıda kelisimshart boıynsha mekeme shotyna alǵan nesıeleriniń qyryq paıyzyn aýdaryp, qalǵanyn kompanıa bankke ózi tóleıdi dep sengen halyq senimderiniń aqtalmaǵanyna ashynady.
Nesıeleri birneshe aı boıy ótelmeı kelgen turǵyndar shaǵymdaryn jetkizý úshin búgin qaladaǵy «FınStatýs» mekemesiniń ishinde jınaldy. Basty talaptary - nesıeleriniń ýaqytyly tólenýi. Turǵyndardyń sózinshe, bastapqyda mekeme "alǵan nesıelerińniń 40 paıyzyn bizdiń shotymyzǵa aýdarsańdar, qalǵan qaryzdaryńdy ózimiz óteımiz" dep ýáde etken. Alaıda ýáde oryndalmapty. Jınalǵan kópshilik tipti kelisimshartqa otyryp, kompanıaǵa bergen aqshalarymyzdy da ózimizge qaıtarmaı otyr,- deıdi.
Maral Seralıeva, Turǵyn:
-Qazir kúnde mazalaıdy. Osy turǵanda men júrek aýrýyna shaldyqtym. 4 aı boldy tólenbegenine. 4 aıdan beri meniń penıam da ósti. 400 bir nárse myń bop ketti.
Gúlzada Meshitbaeva, Turǵyn:
- Mine búgin bes aı bolyp otyr. Erteń mine tóleımiz dep bárinen chertochka jasap alady, mine otyr, uıalmaıdy...
Al «FınStatýs» jaýkapkershiligi shekteýli seriktestiginiń qyzmetkerleri mekeme jumysynyń ilgeri baspaı jatqanyn aıtady. Esepshottary jabylyp qalsa da, halyqtan qolma-qol aqsha alyp, jumystaryn jalǵastyryp jatqandaryn da jasyrmaı otyr.
Gúlnar Ratımova, "FınStatýs" mekemesiniń qyzmetkeri:
- Bizdi múlde jumys istettirmeı qoıdy. Ýje oplata toqtap qaldy, oplata da júrmeı qoıdy. Sosyn 20 kúnnen keıin bizge mynadaı ne keldi. «Bizde tekseris bolǵanymen de bizdiń jumysymyzdy toqtap qalmady qyzdar, men prıkaz shyǵaryp jatyrmyn». Jalǵyz bizdiń qala emes, basqa qalalarda da aǵa nalıchka alyp jumys istep jatyr. Óıtkeni halyqtyń tólemin toqtatpaýymyz kerek dedi
Kompanıaǵa senip, nesıelerin tóleı almaı otyrǵan turǵyndar máselesiniń qashan sheshiletini belgisiz. Sondyqtan olar quzyrly oryndarǵa shaǵymdanǵannan basqa amalymyz joq dep otyr.
