Kásipqoı boksta «Qazaq» degen atpen tanymal jerlesimiz Qanat Islamdy búgin otandastary Almaty áýejaıynan kútip aldy, - dep habarlaıdy Qamshy.kz.

Qazaq halqynyń maqtanyshy Qanat Islam Amerıkadan kezekti jeńisimen oralyp otyr. 9 mamyr kúni jerlesimiz kolýmbıalyq boksshy Hýan de Anhelmen kezdesip, 6-raýndta tehnıkalyq nokaýtpen jeńiske jetken bolatyn.

Qanat Islamdy kásipker Baýyrjan Ospanov, Qusman Shalabaev, Amalbek Tshan, Ermahan Ibraımov bastaǵan el azamattary saltanatty jaǵdaıda kútip aldy. Dańqty boksshyny kútip alý úshin Almaty halyqaralyq áýejaıyna 300-den astam adam jınaldy. Almaty jurty Qanat Islamdy Qurmanbek Álimǵazy men Rıza Qaıyrbaıdyń oryndaýyndaǵy "Kók týdyń jelbiregeni" ánimen qarsy aldy.

Boksshy ózine erekshe syı-qurmet kórsetip, zor úmit artqan otandastaryna zor rızashylyǵyn bildirdi.