21-22 mamyr kúnderi Almaty qalasy ál-Farabı atyndaǵy Qazaq ulttyq ýnıverıstetiniń sport kesheninde Qazaqstan Respýblıkasy Táýelsizdiginiń 25 jyldyǵy, Zýqa batyr Cábıtulynyń 150 jyldyǵyna arnalǵan «Er Jánibek kýbogy» úshin shaǵyn fýtboldan halyqaralyq týrnır ótedi, - dep habarlaıdy Qamshy.kz.
Sharany uıymdastyrýshy - «Er Jánibek» halyqaralyq qoǵamdyq qory. Negizge demeýshiler: Almaty qalasynyń ákimdigi, Dúnıejúzi Qazaqtary qaýymdastyǵy, «Nur Otan» partıasy, «Jezbuıda» jastar qoǵamdyq birlestigi, ál-Farabı atyndaǵy QazUÝ ýnıverısteti.
Zýqa batyr Cábıtuly (1866-1929) – HH ǵasyrdyń basynda Shynjańdaǵy qazaqtardyń baıyrǵy qonysy Altaı aımaǵyna Qytaı bıligi taǵaıyndaǵan (qosymsha qorǵanys elshisi) aımaqtyq ákimshiliktiń ozbyr basshylaryna, halyqty qanaǵan ulyqtardyń zorlyq-zombylyqtaryna qarsy shyǵyp, Qytaıdaǵy qazaqtardyń ult-azattyq kóterlisin bastaǵan alǵashqy batyrlardyń biri. 1929 jyly kúresker Zýaqa batyrdy qytaıdyń jazalaýshy áskerleri qapyda ustap, qastandyqpen óltiredi. Biraq, Zýqa batyr esimi, ol bastaǵan ult-azattyq kóterlisiniń rýhy búgingi táýelsiz eldiń urpaqtarynyń maqtanyshyna aınalyp otyr.
Shaǵyn fýtboldan ótetin halyqaralyq týrnırdiń maqsaty – El táýelsizdiginiń 25 jyldyq mereıtoıyn halyqaralyq deńgeıde atap ótý, qazaq jastaryn rýhty bolýǵa, Otan súıgishtikke, sportqa baýlý. Fýtbol jarysyna Fransıa, Túrkıa, Reseı, Qytaı, Mońǵolıa, Ózbekstan, Qyrǵyzstan elderinde turatyn qazaq jastarynan quralǵan komandalar, sondaı-aq, Almaty, Astana qalalarynan, elimizdiń 5 oblysynan jasaqtalǵan fýtbol komandalary baq synaıdy. Týrnırde jalpy sany 24 komanda qatyspaq.
Ótetin oryny: ál-Farabı atyndaǵy QazUÝ ýnıverıstetiniń sport kesheni.
Týrnırdiń ashylý saltanaty: 21 mamyr saǵat 10: 00 de.
Týrnırdiń qorytyndy marapattý saltanaty: 22 mamyr 17:00 de.
Qatysýǵa nıettiler men BAQ ókilderi úshin baılanys telefondary:
+ 7701 111 33 26 Muhamethan Omarov
+ 7 707 533 48 88 Talapbek Tynysbek
+ 7702 566 00 10 Jánibek Ǵalym
