Qaraǵandydaǵy №15 mekteptiń besinshi synyp oqýshysynyń anasy habarlasyp, mektepte qyzy men onyń synyptastaryna "Balalar zorlyqqa qarsy" atty testileýdiń ótkizilgenine shaǵym túsirdi. Anasy testileýdiń suraqtarynyń durys emes ekenin aıtady, - dep habarlaıdy Qamshy.kz Tengrinews.kz –ke silteme jasap

Ol birneshe suraqty mysalǵa keltirdi: "Saǵan seks týraly vıdeo kórýge májbúrledi me, jýrnaldarda nemese kompúterde pornografıalyq fotografıalar kórýge májbúrledi me?", "Deneńniń ıntım bólikterin bireý túrtti me nemese birdeńe jasaýǵa májbúrledi me?", "Qarsy bolǵan kezińde senimen sekspen aınalysýǵa májbúrledi me?".

Óz kezeginde QR Bilim jáne ǵylym mınıstrligindegiler balalarǵa kórsetilgen zorlyq jaǵdaılarynyń, aqsha jınaý derekteriniń, seksýaldyq zorlyq jaǵdaılarynyń kóbeıip ketýine baılanysty testileýlerdiń Balalardyń quqyǵyn qorǵaý jónindegi komıtettiń tapsyrysy boıynsha ótip jatqanyn aıtty. 

"Osy áleýmettik zertteýdiń aıasynda "Qazaqstannyń daǵdarys ortalyqtarynyń odaǵy" oqýshylar arasynda zorlyq derekterin anyqtaý maqsatynda anketa júrgizýdi keńes etti. Zertteýdiń qorytyndysy boıynsha ómirlik qıyn jaǵdaıǵa tap bolǵan balalarǵa jáne balalarǵa qatysty zorlyqtyń aldyn alýǵa baǵyttalǵan quraldardy jetildirý boıynsha usynystar ázirlenedi, - dep habarlady vedomstvodaǵylar. 

Mınıstrliktegilerdiń aıtýynsha, osyǵan baılanysty Almaty, Qaraǵandy jáne Ońtústik Qazaqstan oblystarynda úkimettik emes uıym men bilim berý organdary anonım testileýdiń júrgizip jatqanyn túsindirdi.