Dostyq-Alashankoý ótkelinde eki júk poıyzy soqtyǵysyp, lokomotıvi órtengen jáne vagondary relsten shyǵyp ketken, - dep habarlaıdy Qamshy.kz Tengrinews.kz –ke silteme jasap.
Oqıǵa 19 mamyrda 05.05-te bolǵan. Poıyzdardy "Túrksib trans tasymaly" JSHS jeke kompanıasynyń lokomotıv brıgadalary basqarǵan. Aldyn ala baǵalaý boıynsha, soqtyǵysýǵa JSHS menshigindegi lokomotıvtiń tejegishiniń isten shyǵýy sebep bolǵan.
Oqıǵa ornynda "QTJ" UK" AQ arnaıy komısıasy jumys istep jatyr. Jolaýshylar poıyzy keshikken joq. Eshkim qaza tappady, zardap shekpedi. Shyǵyn aıypty tarapqa taǵylady. Oqıǵanyń saldaryn joıý jumystarymen Almaty jol bólimi aınalysyp jatyr.
