Búgin Astanadaǵy Ortalyq komýnıkasıalar qyzmetinde birinshi vıse-premer Baqytjan Saǵyntaevtyń tóraǵalyq etýimen brıfıń ótýde, - dep habarlaıdy Qamshy.kz.

Brıfıńte Baqytjan Saǵyntaev ótken senbidegi Jer komısıasynyń alǵashqy otyrysynyń qorytyndylaryn jarıalady. Onyń aıtýynsha, komısıa otyrysynda da, odan tys 1434 nómiri boıynsha ashylǵan shuǵyl jelige de kóptegen usynystar túsken.

«Aýylsharýashylyǵy mınıstrligi janynan shtab qurdyq. Komısıanyń hatshylyǵy jumys isteýde. Osynda komısıa músheleriniń de, basqa azamattardyń da barlyq usynystary jınaqtalatyn bolady», - degen B. Saǵyntaev árbir usynys, pikirdiń saraptalatynyn basa aıtty.

«Biz osy jer máselesinde barlyq azamattardyń jumyldyrylǵanyna múddelimiz. Qazir biz BAQ-ta, áleýmettik jelilerde aıtylyp jatqan barlyq usynystardy qarap otyrmyz. Olardyń barlyǵy taldanatyn bolady. Iaǵnı, Elbasy aıtqandaı, jerge baılanysty sary ýaıymǵa salynyp júrgenderdiń barlyǵy da oılaryn ortaǵa salýy kerek», - dedi ol.

Esterińizge salsaq, ótken senbi kúni Jer komısıasynyń alǵashqy otyrysy ótken bolatyn. Onyń quramyna 75 adam qabyldanǵanymen, búginde birneshe azamat komısıa jumysyna qatysýdan bas tartty.