Memleket basshysy Nursultan Nazarbaev Qazaqstannyń Halyq ártisi Sábıt Orazbaevty qabyldady, - dep habarlaıdy Qamshy Aqorda saıtyna silteme jasap.

Kezdesý barysynda Elbasy onyń M.Áýezov atyndaǵy Qazaq memlekettik akademıalyq drama teatrynda 50 jyldan asa jumys istegenin, osy ýaqyt ishinde 100-den astam róldi somdaǵanyn atap ótti.

Memleket basshysy halyq ártisiniń qazaq teatrynyń damýyna kýá bolyp, Q.Badyrov, S.Qojamqulov, Q.Qýanyshbaev syndy sahna sańlaqtarymen birge óner kórsetkenine nazar aýdardy.

Kezdesý barysynda Qazaqstan Prezıdenti otandyq teatr óneriniń damýyna qosqan eleýli úlesi, beıbitshilikti, dostyq pen qoǵamdyq kelisimdi nyǵaıtýǵa sińirgen eńbegi úshin S.Orazbaevty İ dárejeli «Dostyq» ordenimen marapattady.

S.Orazbaev marapat úshin, sondaı-aq M.Áýezov atyndaǵy teatrdy jáne jalpy teatr ónerin damytýǵa kóńil bólip otyrǵany úshin Nursultan  Nazarbaevqa alǵys aıtty.