Almaty polısıasy kúsheıtilgen qyzmetke kóshti, - dep habarlaıdy Qamshy.kz Almaty qalasy İİD baspasóz qyzmetine silteme jasap.
Baspasóz qyzmetiniń habarlaýynsha, qaladaǵy ishki ister organdary túgeldeı kúsheıtilgen jaǵdaıda qyzmet atqarýǵa kóshken. Qalanyń perımetri boıynsha blok-posttar nyǵaıtylyp, beınebaqylaý kameralarynyń málimetteri taldanýda.
«Sonymen qatar, megapolıs aýmaǵynda quqyqtyq tártip pen qoǵamdyq qaýipsizdikti qamtamasyz etýge baǵyttalǵan qosymsha is-sharalar júrgizilýde», - delingen baspasóz qyzmeti taratqan habarlamada.
Sondaı-aq, búgin tańerteń zańsyz qarý saqtady degen kúdikpen ustalǵan bes azamattyń ekeýi Almaty qalasynyń, ekeýi Almaty oblysynyń, endi biri Pavlodar oblysynyń turǵyny ekeni habarlandy. Olar qazir Almaty qalasy İİD-niń tergeý ızolátoryna qamalǵan. Polısıa ustalǵandardyń ekeýi buryn esirtki saqtaý, kisi zorlaý jáne urlyq jasaý faktileri boıynsha qylmystyq jaýapkershilikke tartylǵanyn anyqtap otyr.
Esterińizge salsaq, búgin almatylyq quqyqqorǵaýshylar Respýblıka jáne «Astana» alańynyń mańyndaǵy aýlalardan janǵysh zattar men temir taıaqtar, armatýra synyqtaryn tapqan bolatyn. Odan bólek qalanyń eki aýdanynda páterlerge jasyrylǵan TT, Makarov tapanshalary men oq-dáriler, birneshe RGD granatalary tárkilengen.
