Men bul habardy (Almaty alańdarynyń aınalasynan sýyq qarý tabylǵandyǵy týraly – avt.) ádeıi uıymdastyrylǵan dep bilemin. Iaǵnı, erteń alańǵa adam jibermeý úshin oılap tapqan qýlyqtarynyń túri bul. Eger shynymen de osyndaı áreketterge barǵan qylmyskerler ustalsa, onda quqyq qorǵaý organdary halyqqa olardyń túrlerin kórsetsin. Qarý tapqan úıdi kórsetsin.
Kúmándaný sebebim, 1986 jyly bizdi alańǵa shyqqan nashaqorlar men maskúnemder dep edi. Tipti, araq tıelgen mashına kirgizgen alańǵa. Sol kezde anadaı armatýrany tártip saqshylary ustap júrip, beıbit halyqty sabaǵan. Bılik sol kezde osyndaı qadamǵa barǵan.
Men tórt kún boldy úıge bara almaı júrmin. Úıimniń aınalasyn polısıa torýyldap, izdeýde júrmin. Áldebir kúshter qarapaıym halyqqa da, memlekettik organdarǵa da qarsy osyndaı áreketterdi uıymdastyryp otyrǵan sekildi.
Jer reformasynan bastalǵan daýdan soń, osyndaı qýdalaýlar arqyly bılik halyqty ózi arandatyp otyr. Buǵan deıin de jer jalǵa berildi. Qazir de satylyp jatpaǵanyna dálel joq. Ondaı bos jatqan jerler kóp bolsa, úısiz júrgen qazaqtarǵa bersin!
