Otyz birinshi arnada «Aıta bersin» atty jańa baǵdarlamanyń tusaýy kesildi, - dep habarlaıdy Qamshy.kz
Ár senbi saǵat 21.00-de 31 arnada jańa «Aıta bersin» baǵdarlamasynan shoý-bıznes áleminiń tańdaıqaqtyrar jańalyqtaryn, estrada, sport jáne kıno juldyzdarynyń beımálim qupıalaryn tamashalaýǵa shaqyramyz. Sahnada únemi qýanyp, kúlip júretin, halyqtyń kóńilin kóteretin jandardyń júrek tebirenter oqıǵasyn, kózjasyn, janaıqaıyn, emen-jarqyn áńgimesin osy baǵdarlamadan kóre alasyzdar.
«Aıta bersin» baǵdarlamasynyń tusaýkeser kórsetilimi7 mamyrda saǵat 21.00-de efırden berildi. Baǵdarlamanyń tili – qazaqsha. Alǵashqy kórsetilimde tanymal ánshi Shahızada kórermenderge óziniń jańa úıin kórsetip, 10 jyl otasqan kúıeýimen ajyrasqanyn ashyq aıtty. Altynaı Jorabaeva qaıyn jurtynyń úıine sırek barýynyń sebebin túsindirdi. Aıgúl Imanbaevanyń buǵan qatysty ekenin de anyqtadyq. Merýert Túsipbaeva óziniń jeke ómirin shetke ysyrdy. Nelikten eks shymkenttik kelin aq bosaǵadan bas tartty? Sonymen qatar, Anna Danchenko shoý-bıznes ókilderiniń artyq salmaqpen qalaı kúresýge bolatyndyǵynan habardar etti. Qaırat Nurtas qaryndasy Aqerke Tájibaevanyń toıyna óz otbasymen kelgeni ras pa?
Baǵdarlamanyń aldaǵy kórsetiliminde juldyzdardyń ómirindegi aıtýly oqıǵalar kórermenderge jol tartady. Qaırat Nurtas Aıqynǵa ókpeli me? Qos ánshi nen bólise almaı júr? Toqtar Serikov jarynan ne talap etedi? Maqpal Júnisova plasıkalyq hırýrg pyshaǵynyń astyna jatatyny ras pa? Jáne Mádına Sadýaqasova jaǵa beınebaıan túsirý barysynda «glamýr» kerbezdiń róline qalaı endi?
Ár senbi saǵat 21.00-de qazaqstandyq juldyzdardyń ómirindegi jańalyqtar nazarlaryńyzǵa usynylady. Tek eksklúzıvti kadrlar men halyqtyń nazarynda júrgen jandarmen suhbat.
Ár senbide 31 arnada 21.00-de
Otyz birinshi arna— otbasymen birge kórýge arnalǵan kóterińki kóńil syılaıtyn ulttyq arna. Tań qaldyratyn, shabyttandyratyn, kóńildi, qaýipsiz arnanyń urany «Otbasymen birge kóreıik!»
