Jer reformasy jónindegi komısıanyń kezekti otyrysynda sóz alǵan Aıdos Sarym Qazaqstan boıynsha 1 mln 100 myń adam 10 sottyq jer alý kezeginde turǵandyǵyn málimdedi, - dep habarlaıdy Qamshy.kz.

– Ulttyq ekonomıka mınıstrliginiń bizge usynǵan málimetterine kóz júgirtsek qazirgi kezde respıblıka boıynsha 1 mln 100 myń adam zań sheńberinde tegin beriletin 10 sottyq jer alý kezeginde tur eken. Sonyń ishinde Almaty qalasynyń ózinde bul kórsetkish 150 myńnan asady. Demek, jer máselesinde halyqtyń alańdaıtyn jóni bar. Eldiń bári de 10 sottyq jerge ıe bolǵysy keledi. Al endi jer satylatyn bolsa, ondaı múmkindik bolmaı qala ma degen qaýip bar el ishinde. Máselen, jeke óz basymnyń jalpy jerdiń satylýyna qarsy bolmasam da, búgingi turmys-tirshiligimiz ben jaǵdaıymyzǵa qarap, bul oıymnan qaýiptenem. Jalpy, bizdiń qazirgi jaǵdaıymyzda bul máseleni talqylaý tıimsiz. Jalpyqoǵamdyq qoǵamdyq psıhologıamyzdy ózgertpeı, jer satý jaıly oı qozǵaý qajetsiz dep sanaımyn, - dedi A.Sarym.