Shetten kelgen qandastarymyzdyń da jer satyp alý quqyǵyn shektemeýimiz kerek dedi «Manat» sharýa qojalyǵynyń basshysy Saha Manatov Jer reformasy boıynsha komısıanyń búgingi otyrysynda, - dep habarlaıdy Qamshy.kz.

«Jerdiń qadirin tek qana jermen aınalysatyn azamat biledi. Meni agrosalasynda júrgenime biraz jyl boldy. Sol sebepti jalǵa berilgen jerlerdi Qazaqstan azamattarynyń satyp alýyna múmkindik berý durys dep esepteımin. Bizge qazir jerdiń reformasy qajet. Jeke menshik bolsa, jerdiń suranysy artady. Qajettiligi paıda bolady», - dedi Manatov.

Sondaı-aq, Qazaqstanda týmaǵan azamattarǵa jer satylmasyn degenge qosylmaıtyndyǵyn jetkizdi. 

"Men ózim Jambyl oblysynyń turǵynymyn, Jambyl oblysynda 270 myń qandasymyz turady. Iaǵnı, Qazaqstanda dúnıege kelmegen qazaqtar. Sonda biz, 270 myń qandasymyzdyń quqyǵyn shekteımiz be? Osy máseleni jaqsylap qarap, durys sheshim qabyldaýymyz kerek», - dedi Saha Manatov.