Jekege beriletin jer kólemi shekteýli bolýy tıis. Jer reformasy boıynsha komısıanyń ekinshi otyrysynda senator Saǵyndyq Eleýsinov osylaı dep málimdedi.

«Jer Qazaqstan azamattaryna jekemenshikke berilýimen qatar, jalǵa alýda da onyń tártibi saqtalýy tıis. Jerdi jalǵa ala almaǵan adamdar da bar. Jekege beriletin jer shekteýli bolýy tıis. Bir adamǵa ma, álde alatyn ónimine baılanysty ma shekteý bolǵany jón. Biraq bul ádiletti túrde sheshilýi tıis», - dedi senator. 

Sonymen qatar, ol jermen jumys isteýdi jandandyrý úshin memleket tarabynan kóptegen qoldaý bolýy tıistigin atap ótti. 

«Eń negizgisi, eldi mekenderdi gazben, aýyz sýmen qamtamasyz etý qajet. Áli kúnge deıin aýyldardyń 50 paıyzy júıeli túrde taza aýyz sýmen qatmamasyz etilmegen. Odan keıin jol máselesi. Árıne, mynadaı úlken terıtorıaǵa birden jol tósep shyǵý múmkin emes. Biraq, kóptegen aýdandardy oblys ortalyǵyna deıin tas joldar joq. Eger jol salynatyn bolsa, onda jermen jumys isteý álde qaıda jeńil bolar edi dep esepteımin», - dedi S.Eleýsinov.