Bizde jer daýyn shyǵaryp júrgender - latıfýndıser. Bul týraly búgin Jer reformasy boıynsha komısıanyń ekinshi otyrysynda Májilis depýtty Nurtaı Sabılánov málim etti.

«Jalpy, 2003 jyly qabyldanǵan zańda jekemenshikke berý qarastyrylǵan. Biraq, ol jer tek qana Qazaqstan azamattaryna berilýi kerek. Ekinshiden, Qazaqstan azamattary jerdi ıgermeıtin bolsa nemese zańdy tulǵa bankrot bolatyn bolsa nemese ol jerde durys jumys istemeıtin bolsa, onda memleketke qaıta alý tetigin de biz qarastyrýymyz kerek», - dedi depýtat. 

Sonymen qatar, Májlis depýtaty bir azamatqa, bir zańdy tulǵaǵa jer berýdiń shekti mólsherin bekitý kerektigin basa atap ótti. 
«Bizde jer daýyn shyǵaryp júrgender - latıfýndıser. Óıtkeni, olar kezinde 100-200 myń gektar jerdi alyp aldy. Endi sol jerlerdi arzan baǵaǵa satyp almaq. Biz oǵan jol bermeýimiz kerek», - dedi N.Sabılánov.