Búgin Astanadaǵy Ulttyq mýzeıde ótip jatqan Jer reformasy boıynsha respýblıkalyq komısıanyń otyrysynda komısıa múshesi Dos Kóshim jerdi satý men jalǵa berýdiń arasynda sonshalyqty aıyrmashylyq ekenin aıtty, - dep habarlaıdy Qamshy.kz.

«Jerge qatysty úsh másele bar: birinshi  ekonomıkalyq tıimdilik, ekinshi  qazaq halqynyń mentalıteti men psıhologıasy, úshinshi  burynǵy jer reformasynyń nátıjesi. Biz qazir Qapshaǵaıdyń jaǵasyna baryp sýǵa túse almaı, balyq aýlaı almaı qaldyq. Alakólde, Balqashta da jaǵdaı solaı. Qabanbaı, Bógenbaılar tirilip kelse de ózderi qorǵaǵan jerde ózi erkin júre almaıtyn edi. Bul 2003 jyly jerge menshik engenniń nátıjesinde bolyp otyr», - dedi Dos Kóshim.

Sonymen qatar, komısıa múshesi jerdi satý men ony jalǵa berý arasynda aıyrmashylyqty túsine almaı otyrǵanyn jetkizdi. Onyń sózine qaraǵanda, bunda eshqandaı ta aıyrmashylyq joq.

«Eshkim jerdi menshiktep alyp kete almaıdy. Bılik te tartyp ala almaıdy. 49 jylǵa jalǵa berilse, sosyn taǵy 49 jylǵa alýǵa bolady. Bul da máńgilik deýge bolady. Meniń oıymsha, osynyń ózi bir ǵana termın sekildi «satý» jáne «jalǵa alý» degen. Asyp bara jatqan aıyrmashylyq ta joq», -dedi D. Kóshim.