Jer reformasy boıynsha respýblıkalyq komısıanyń otyrysynda komısıa tóraǵasy Baqytjan Saǵyntaev jer satý ol bir ǵana ákimniń, ne bir adamnyń qolynda bolmaýy kerektigin málimdedi, - dep habarlaıdy Qamshy.kz..

«Búgingi otyrysta negizgi aıtylǵan másele  jer satylmasyn degen usynys. Ekinshiden, satylsa qalaı satylady degen usynys aıtyldy. Osy tóńirekte oı-pikirler aıtyldy. Munyń bári bir júıege keltiriledi. Sosyn ol usynystardyń barlyǵy búgin qurylǵan jumys  toptarynda júıeli túrde talqylanady », - dedi B. Saǵyntaev.

Sonymen qatar, komısıa tóraǵasy jer satylǵan jaǵdaıda onyń satylý úderisi egjeı-tegjeıli talqylanýy kerektigin basa aıtty. «Jerdi kim satady? Ol qandaı jerdi satady? Qansha kólemde satylady? Osynyń bárin muqıat talqylaýǵa tıispiz. Jalǵyz bir ákimniń qolyna osynyń bárin bersek, halyqty ol da tolǵandyrady. Ony qoǵammen kelisý kerek», - dedi B. Saǵyntaev.