Qazaqstan Saýd Arabıasynan "sheıh Halıl" degen atpen tanymal bolǵan Ábdýhalıl Ábdýjapparovty ekstradısıalamaqshy, - dep habarlaıdy Qamshy.kz Tengrinews.kz-ke silteme jasap.
Bul týraly "Fergana.Rý" aqparattyq agenttigi habarlaǵan. Basylymnyń málimetinshe, Astana Ábdýjapparovty Qazaqstanda, ásirese eldiń batysynda ruqsat etilmegen dindi taratty dep aıyptap otyr.
"Beıresmı málimetterge súıensek, "sheıh Halıl" Medınede Qazaqstannyń taǵy bes azamatymen birge 2015 jyldyń 20 jeltoqsanynda ustalypty. Olardyń naqty ne sebeppen qamaýǵa alynǵany belgisiz. Degenmen Qazaqstan UQK jaqyn kúnderi Ábdýjapparovtyń týystaryna habarlasyp, ony jaqyn arada elge qaıtaratyndaryn habarlaǵan. Sonymen qatar, olar týystarynan Ábdýjapparovqa qatysty "ýahhabızmdi nasıhattady" degen kýálik berýlerin surapty", - delingen basylymda.
Agenttik ókilderi Ábdýjapparovtyń "qazaqstandyq jastardyń arasynda tanymal" bolǵanyn aıtady.
Ábdýhalıl Ábdýjapparov 1975 jyly OQO Saıram aýdanynda dúnıege kelgen. Islam dinin oblystaǵy meshitterdiń birinen oqypty. 1999 jyly Islambadtaǵy ýnıversıtetterdiń birin bitiredi. Qazaqstanǵa oralǵannan keıin ol Shymkenttegi Qazaq-Kýveıt ýnıversıtetinde sabaq bergen.
Keıin Atyraýda, odan soń Oral qalasyna kóshedi. Sol óńirlerde ol sáláfıt ıdeıalaryn nasıhattaýmen aınalysqan.
