Qazaqstanda Azattyq saıty búgin de - osymen úshinshi kúni ashylmaı tur. Bul týraly Azattyqtyń saıtynda jarıalandy. Qazir oqyrmandar saıtqa google chrome braýzerindegi aınalma joldar arqyly kirýge májbúr.
Azattyq saıty Qazaqstanda áleýmettik jelilerde Qazaqstanda jer máselesine qatysty jappaı beıbit mıtıńige shaqyrǵan 21 mamyrǵa qaraǵan túni ashylmaı qalǵan.
21 mamyr kúni Qazaqstannyń birneshe qalasy - Almaty, Astana, Shymkent, Atyraý, Oral, Pavlodarda polısıa júzdegen adamdy kósheden, úıinen ustap alyp ketip, sol kúni kóbin bosatqan. Almatyda 21 mamyrda ortalyq Respýblıka alańy mańynda polısıa jer máselesine qatysty oı-pikirlerin bildirýge jınalǵan ondaǵan adamdy ustap áketken. Ustalǵandar arasynda jýrnalıser, onyń ishinde Azattyqtyń aımaqtardaǵy tilshileri de bar. quqyq qorǵaýshylar men belsendiler de bar.
Sonymen qatar, Batys Qazaqstan oblysynda jergilikti "Ýralskaıa nedelá" basylymynyń saıty men abai.kz saıty da 21 mamyrdan beri ashylmaı tur.
