Senatordyń aıtýynsha, jer týraly zańda eshqandaı jańalyq joq. Sol sebepti ony halyqqa túsindirý qajet ekenin onyń oıyna da kelmegen, dep habaralaıdy  Qamshy.kz Baq.kz –ke silteme jasap.

«Joq, onda eshqandaı jańalyq joq qoı. Ol kodekste tek qana ózgerister. Ýaqyty, arendaǵa beretin ýaqyty tek qana ózgerip, 15 jylǵa uzartqan. Sondyqtan (túbegeıli – avt.) ózgeris bolmaǵandyqtan, óz basym túsindirýim kerek dep oıyma da kelmegen. Al keıin eger de halyqtyń, ásirese, túsinbeýshilikke baılanysty, ásirese, ony basqasha qabyldaýǵa baılanysty oqyǵanda... Al, kóbinese, men oılaımyn, durystap ol zańdy oqymaǵan sıaqty dep oılaımyn óz basym. Sondyqtan jalpy bizder Parlamentte jumys istegende, myna Senatta bizder zańdy talqylaǵanda meniń aıtatyn bir nársem – bul zań halyq úshin jasalyp jatyr. Sondyqtan ol túsinikti tilde jazylý kerek dep... Anaý zań jobalaryna (talqylaýǵa – avt.) keledi ǵoı. Úkimet músheleri, negizinen úkimet músheleri, álde depýtattar bar. Sondaǵy negizi, shynynda da, zańdy oqý...bilý kerek. Zańǵa túsinikteme alý úshin bizden surasyn. Bizder árýaqytta daıynbyz», - dedi B.Áıtimova tilshilerge bergen suhbatynda.

Aıta keteıik, Aqmola oblysy Aqsý-1 (burynǵy Kvarsıtka - avt.) kentiniń burynǵy ákimi, zeınetker Zulqash Shirkenov búgingi jer daýyna jalǵyz mınıstr ǵana emes, depýtattar da jaýapty dep sanaıdy. Onyń oıynsha, «Jer týraly» kodekstiń jańa normalarynyń osydan bir jarym jyl buryn qabyldanǵanyn eskersek, depýtattarǵa halyqty aralaǵan kezde jerdi aýksıon arqyly satý jáne jalǵa berý sharalaryn keńinen túsindirýge bolatyn edi.