Almaty qalasyndaǵy mektepterde 6 773 túlek úshin sońǵy qońyraý soǵyldy, - dep habarlaıdy Qamshy.kz qala ákiminiń baspasóz qyzmetine silteme jasap.

Almatyda jalpy 201 963 oqýshy bilim alady. Sońǵy qońyraý sharasy 201 mektepte ótip jatyr.

Qala ákimi 1936 jyly ashylǵan №83 gımnazıasynyń saltanatty sharasyna qatysty.. "Táýelsizdigimizdiń bıyl atap ótip jatqan 25 jyldyǵy sizderge jáne sizderdiń bolashaqtaryńyzǵa arnalady. Birinshi kezekte bul bizdiń qoǵamdaǵy beıbitshilik, kelisim jáne turaqtylyq, bular jetistigimizdiń irgetasy, ony barlyǵymyz saqtap, qýatty ete túsýimiz kerek", - dedi Baýyrjan Baıbek. 

Sońǵy bes jylda Almatyda bilim berý júıesin qarjylandyrý 57,5 mıllıard teńgege jetken.  Sondaı-aq, 12 jalpy bilim berý mektebi paıdalanýǵa berildi, onyń ishinde 10-y qazaq tilinde bilim beredi.