Betine zár shashylǵan polıseıdiń isi 7 maýsymda qaıta qaralady, - dep habarlaıdy Qamshy.kz.

Mas júrgizýshi betine zár shashqany úshin shapalaqpen urǵan polıseıdiń apelásıalyq shaǵymy 7 maýsym kúni qaralatyn boldy.

Esterińizge salsaq, byltyr jeltoqsan aıynda alkogóldik ishimdik ishti degen kúdikpen medısınalyq kýálandyrýǵa jetkizilgen júrgizýshi polısıa qyzmetkeri Tólegen Igibekovtiń betine zár shashyp jiberip, polısıa qyzmetkeri oǵan shapalaqpen soqqy jasaǵan. Sáýir aıynda Jezqazǵan qalalyq sotynda atalǵan is boıynsha úkim shyǵyp, polısıa qyzmetkeri bes jyl merzimge bas bostandyǵynan aırylǵan bolatyn.

Osy oraıda, polısıaǵa zárin shashyp qana qoımaı, shaǵym túsirgen 30 jastaǵy júrgizýshiniń de ústinen QR QK-niń 378 (Bılik ókilin qorlaý), 379 (Bılik ókiline baǵynbaý), 380 (Bılik ókiline qatysty kúsh qoldaný) jáne 293 (Buzaqylyq) baptary boıynsha qylmystyq is qozǵalǵanyn da aıta ketý kerek.