Ál-Farabı atyndaǵy Qazaq ulttyq ýnıversıtetinde jýyrda VIII «Keleshekpen baılanys» medıa kongresi ótti, - dep habarlaıdy Qamshy.kz.

Kongres jumysyna Túrkıa, Qyrǵyzstan, Túrkimenstan, Ázirbaıjan, Tájikstan, Grýzıa, Makedonıa, Kosovo, Rýmynıa, Bolgarıa, Qyrym (Ýkraına), Tatarstan, Qaraqalpaq (Ózbekstan), Kerkúk (Irak), Shyǵys Túrkistan (Qytaı), Aýǵanstan, Reseı t.b. elderden 80-ge jýyq túrkitildes jas jýrnalıser qatysty. Atalmysh shara aıasynda «Bosqyndar» taqyrybymen jýrnalıserdiń fotosýretter kórmesiniń  ashylý saltanaty ótti.

Jyl saıyn álemniń túkpir-túpkirinde ótip kelgen aýqymdy shara bıyl Qazaqstan, Qyrǵyzstan memleketterinde jalǵasyn tapty. Kongrestiń basty maqsaty – túrki elderindegi jýrnalıserdiń yntymaqtastyǵyn arttyryp, kásibı turǵyda seriktestikti nyǵaıtý. Osy oraıda, ál-Farabı atyndaǵy Qazaq ulttyq ýnıversıtetiniń rektory akademık Ǵalym Mutanov túbi bir túrkiniń rýhanı jáne tarıhı qundylyqtaryn birigip nasıhattaý, túrkitildes BAQ arasynda jedel aqparat almasý, t.b. ortaq maqsat-múddeni kózdeıtin jańa jobalardy aldaǵy ýaqytta júzege asyrý kerektigin aıta kelip, «Elimizdiń aqparat keńistiginiń kókjıegi kún saıyn arta túsýde. Sol keńistikke talpynǵan búgingi jıynǵa qatysyp otyrǵan jastardyń qulshynysy men umtylysy da kóńilge jylylyq uıalatýda. Bolashaqtaryn sóz óneri álemimen baılanystyrýdy maqsat tutqan sondaı jastar jyl saıyn atalmysh kongrestiń aqparattyq keńistiginde sheberlikterin shyńdaýǵa múmkindik alýda. Muny jaqsy úrdis dep qabyldaýǵa bolady. Sebebi, mundaı basqosýlar daryndy jastardyń baǵyn ashýǵa septigin tıgizeri anyq», – dedi.

Al, Túrkıa memleketiniń Almatydaǵy Bas konsýly Ryza Qaǵan Iylmaz osyndaı is-sharalardyń eki el arasyndaǵy yntymaqtastyqty odan ári nyǵaıtatyndyǵyn atap ótti. Televıdenıe jáne radıo Joǵary Keńesiniń (RTÜK) tóraǵasy, profesor Ilhan Ierlıkaıa myrza «Keleshekpen baılanys» medıa kongresi  barysynda  túrki tildes elderdiń bilim, ǵylym, mádenıetin nasıhattaý úshin QazUÝ-men birlese otyryp, ortaq medıa platforma qurý týraly mámilege kelgenin aıtty.  Onyń pikirinshe, dúnıe júzinde bo­lyp jatqan túrli oqıǵalarǵa shynaıy baǵa berip, sol jaıynda durys qoǵam­dyq pikir qalyptastyratyn BAQ ókilderiniń  róli men alar orny erekshe. Sondyqtan túrki tildes elderdiń yntymaqtastyǵyn kúsheıtý kerek. Ótkizilip otyrǵan kongres, ásirese, jas jýr­na­lıster úshin úlken mektep ekenin atap ótti. Ýnıversıtet tarapynan jýrnalısıka fakúltetiniń dekany Saǵatbek Medeýbekuly kongrestiń mańyzdylyǵyn ataı otyryp, ózi basqaryp otyrǵan fakúltettiń ótkeni men búgini týraly baıandama jasady.

Shara sońynda sóz alǵan,  túrik elinde doktorantýrada oqyp jatqan jerlesimiz Gúlnár Nábıeva eki el arasyndaǵy bilim salasyndaǵy biraz málimetterge toqtala otyryp, segizinshi jyl qatarynan ótip jatqan kongrestiń  jumysy jaıly baıandady. «Keleshekpen baılanys» medıa kongresi ıdeıasyn jaryqqa shyǵarýdaǵy maqsat – sóz qudiretin baǵalap, óz bolashaǵyn osy álemniń bıiginen kórýge talpynǵan  baýyrlas elge durys jol nusqap, baǵyt berý ekendigin aıtty.

Kongreske qatysyp otyrǵan delegasıa músheleri, onyń ishinde bolashaq jas jýrnalıserdiń jańany bilýge degen qulshynysy anyq baıqaldy.  Olardyń óz isiniń sheberi bolýǵa degen umty­lys­tary jan-jaqty qoldaý tabýda. Belgili bir kásibı deńgeıge kóterilý úshin izdenis, sodan keıin, árıne, tájirıbe kerek desek, kongrestiń ózge­she­ligi – munda ár jas jýrnalıs óziniń qabiletin baıqatyp qana qoımaıdy, el aralap tájirıbe almasýǵa, oqytýshylardyń aqyl-keńesin tyńdap, sheber­ligin shyńdaýǵa múmkindik alady. Olar óz ıdeıa­lary men oı-pikirlerin  jarıa etip qana qoımaı, kásibı deńgeıde júzege asyrýǵa mashyqtanady. Sondyqtan mundaı ıgiligi mol kezdesýler jastar úshin asa qajet. Sharaǵa muryndyq bolyp otyrǵan bas uıymdastyrýshy – Túrkıa memleketiniń Televızıa Joǵary Keńesiniń (RTÜK) de kózdegen maqsaty osy. Kezdesýden soń Túrkıa jastary óz elinde baspasóz, tele jáne radıoda arnaıy materıaldar daıyndaıtyn bolady.