Jerdi búgin salyp qoıdyq saýdaǵa,

Ońbaımyz-aý,

Áı, ońbaımyz qaıda da!

Adam degen shıbóriden ashqaraq,

Qulyp salmas ynsap atty qoımaǵa.

Kóz qaraıǵan,

kóń qabaryp,

bet kepken,

Qazaqtyǵyń qaıda qalǵan qaımana?

Jarǵa jyqpaı alyp shyqqan ókpekten,

Qaı tesikke túsip ketken oı dana?

Jasyrynar tus emes pe kúni erteń,

Aram tándi oraǵanda jaımaǵa...

Ońbaımyz-aý,

Áı, ońbaımyz qaıda da!..

***

Jerdi qara nıet tumshalady,

Jer muń shaǵady.

Sál tynysqa bermeıdi mursha-daǵy.

Ýaqyt bir shabady,

Adam bir shabady.

Ǵasyrlardyń erkine qaıran qaıda!?

Jelmaıa jyl jóńkiler oılanbaı da.

Tońǵan qaıda,

Beımálim.

Toıǵan qaıda?

Has dúnıe japsyrar sor mańdaıǵa.

Sorasy aqqan sorlydan kúsh qurǵady,

Adaldy aram aıǵyzdap kús tyrnaǵy.

Tósin emgen tileýin qystyrmady,

Dúmpip-dúmpip qaldy ol –

Yshqynǵany.

Sezgen bar ma?

Sezbeıdi,

Kereń bári,

Dúnıeniń, baıqashy, kónerdi ári.

Ushsa aýada qaltyldap qaýyrsyndar,

Quıryq bitken qobyrsyr qonardaǵy.

Bult jamyldy, deımiz, jer –

O, Jasaǵan,

Qara nıetten sáti de qabarǵany.

Adamdardyń búginde kári nyq-ty.

Kóńil kóńge umtylyp qaǵynypty.

Taǵy týyp,

ushtaǵan taǵylyqty,

Meıirinen

tógetin zári myqty.

Sóıte tura

o, ǵajap,

«Ana!» – dep kep,

Jerdi bári qushaqtap bolady óbpek.

Qadir bilmes besikti terbemegen,

Otyr áne, kil qalqyp tórde kereń...

Ana – shýaq,

Ana – aýa,

Ana – tirlik,

Oınaǵandy shuqylap...

Kórgen emen!

Tóken ÁLJANTEGİ